Dessert Devil & her Sweet Baby

由 Dessert Devil & her Sweet Baby 於 2011年07月08日發表人氣：284

電郵給朋友

繼前文, 吃完超讚超絕的文華扒房, 大家甜胃仲有位喎!
於是在拔魔的提議下, 一行七人又去了新開的Linguini Fini吃多場甜品~~

位於L Place一樓的新餐廳, 走的是casual酒吧路線, 音樂十分強勁 (其實我地都嫌太嘈!!), 與先前fine-dining扒房氣氛完全唔同~~

大家都是傻的, 還未望清楚menu內容, 已決定了要全掃!!!

首先要了3球Homemade gelato ($18@), 唔貴, 但得好細球咋~~
三款中最好是粟米味, lemon cheesecake都唔錯, 開心果就幾難吃下...

然後其他的甜品更加水準普通, 我都唔係好有心機記了..

這是Tiramisu ($48), 餐單介紹是由意大利芝士蛋糕、mascarpone芝士、咖啡蛋糕碎、冰凍朱古力, 及意大利芝士雪糕組成, 雖然味道普通, 幾開心面層雪糕夠大球!

Hot Chocolate Affogato ($48), 據介紹由熱朱古力意大利雪糕, 意大利餅乾 (biscotti), 同棉花糖雪糕組成

此甜品的特別之處, 是會由侍者淋上暖朱古力醬, 得到額外視覺享受

然而朱古力外殼實在太硬實, 朱古力醬又唔夠熱暖, 成品想融又融唔到咁 ; 而且朱古力醬質素比起先前文華差太遠啦, 雪糕又少, 最後biscotti仲又硬又實, 好難食下!

Almond Panna Cotta ($48), 睇介紹先知由杏仁奶凍、杏仁味烈酒、櫻桃、意大利杏仁曲奇餅及25年意大利黑醋組成, 其實食落就係一磚普通的杏仁奶凍, 酒味同醋味都唔太覺.. 嗯, 當中的櫻桃都算唔錯o既~~

Anansa Straciatella ($48), 由菠蘿雞蛋奶泡+香草朱古力碎忌廉組成, 甜酸交錯中混和蛋味, 感覺怪怪地

Apple Crostat ($48), 組件包括蘋果果醬批、蘋果焦糖、有機甜薯奶油餅、乳酪味意大利雪糕, 聽上去吸引, 但食落批身硬到咬唔開, 唔掂丫....

Lemon Olive Oil Cake ($48), 檸檬橄欖油蛋糕, 配上poppy seed gelato而成, 簡單得來在一眾甜品中算討好了~

上述甜品同文華比, 真係比C人啦 ; 不過就算唔同文華比, 水準都係差D

一場來到, 大家都決定試下這裡的意粉, 就點了small size的Salt Cured Egg Genovese, 成分包括咸蛋、蕃茄、香草等, 結果是口感超油好難食, 大家都爭住dislike..

此店最大賣點是平, 定價已經不高, 並且不收加一, 埋單分分數平過樓下Cantopop!

另外場內有位鬼鬼地的server幾cute幾靚仔的, 引到同檯的兩位女食友起痰! 所以都可以一試, 不過就唔好抱太高期望~~