Dessert Devil & her Sweet Baby

由 Dessert Devil & her Sweet Baby 於 2011年07月04日發表人氣：821

電郵給朋友

陀了阿B後, 已經好少煮飯, 因買餸、洗菜、煲飯、煮野、洗野太花精神時間, 情願返奶奶家食! 但有時唔夠時間返去, 我會煮簡單晚餐, 灣仔碼頭的水餃就係最好幫手!

揀食水餃, 因一隻內同時有肉又有菜, 再加麵條就成營養平均的一頓, 超方便
而且真心覺得灣仔碼頭水餃外皮厚薄適中, 我成日都幫襯架~

當中食得最多、最推介的是經典韭菜豬肉水餃, 十級美味, 真是食極不厭!!

故屋企總有數包存貨, 需要時亦唔駛解凍, 直接由雪櫃拎出來, 煲滾水就可放去煮~ 相比其他牌子, 灣仔碼頭元寶型水餃身量較大, 皮卻更薄更滑, 所以好得我歡心!

計一計時俾大家睇啦! 通常煲水要花1分鐘, 到水滾放進水餃, 較至中火再煮5分鐘左右就食得, 即係前後6分鐘就可以開餐! 過程中不需要添加任何調味料, 真係超方便~

好多時我會順便 (最後3分鐘) 加埋麵去煮, 就成簡單又飽肚的一餐~
就係咁, 美味又方便的灣仔碼頭水餃麵, 曾陪伴我過了唔少個夜晚呢!

除了經典口味, 灣仔碼頭亦經常推陳出新, 餡料十分多元化, 日前幫襯了珍菇系列都唔錯呢!

加埋麵條, 一包水餃夠煮二人份量, 好快又完成簡單的一頓午餐了~~

俾個新嘗試珍菇豬肉餡芯close-up大家睇 -- 一隻水餃內有菇有菜又有肉, 豐富又美味, 幾乎拍得住我至愛食的韭菜豬肉水餃呀!

食還食, 本來無諗得太多水餃背後的故事 ; 然而機緣巧合之下, 睇了《梅花香自苦寒來》, 一本關於灣仔碼頭水餃的創辦人---臧健和姑娘的創業故事, 頓時深受感動!

書本的主角臧姑娘, 一個30多歲的離婚女人, 帶著兩個女兒來到香港, 不肯接受綜援, 而決定放下身段, 由街邊小販做起, 一步步發展她的水餃事業, 過程實在有無盡的辛酸... 書中記載的買鞋及警察故事, 都令眼淺的我忍唔住流淚!

憑著臧姑娘的出色手藝與努力, 慢慢賺得越來越多商家的垂青 ; 雖然事業發展帶來的, 除了機遇, 也是更多人性的考驗, 臧健和卻憑著她的堅持, 一一將之克服, 終於將她的水餃事業帶上國際市場, 達成夢想 ; 亦由昔日人家看不起的新移民, 變成獲頒傑出女企業家獎、街知巷聞的水餃皇后!

而臧姑娘最令人佩服的地方, 除了事業上的成就, 就是她能夠身兼父職, 將兩個女兒教養成材, 絕對體現了書本主題--《梅花香自苦寒來》~~

想不到好吃的水餃背後, 還有這麼動人的故事 ; 而知道故事後, 每次食水餃時, 更加心存感激, 覺得臧姑娘真的好棒, 做出這麼好的產品, 造福大眾! 繼續支持妳~~