Dessert Devil & her Sweet Baby

七一暨婚後23週月紀念 ~ Whispers Bar & Fine Dining + Sweet home time

由 Dessert Devil & her Sweet Baby 於 2011年07月03日發表人氣：313

電郵給朋友

七一又是兩口子結婚23週月的紀念, 不過老公仍要返半日工..

好在當日收工都唔太晏, 下午兩口子出尖咀食下tea, 行下街買下野 ; 當晚又唔駛練詩, 夜晚就去了中環Whispers Bar & Fine Dining享用晚餐!

今次是買了Funshare的團購二人晚餐, 原價$432/位, 特價買只$316 for 2!!

當然一分錢一分貨, 食物只係普通, 估計未發揮唔到平時應有水準 ; 不過是晚被安排就坐寧靜舒適的房內位置, 環境同氣氛都幾滿意的!

鍾意檯上依棵含苞待放的紅玫瑰, so lovely~~

團購二人晚餐包括2杯夏日特飲 (原價$68), 是晚為橙汁特飲~~
食客可選有酒精或不含酒精, 當然選擇每樣來一杯!

有青檸這杯是有酒的, 據老公講酒味輕柔 ; 後面一杯就是我的, 口味幾清新!

麵包籃份量稀少, 但幾哂熱是最大好處 ; 同上牛油也偏少, 但配麵包剛剛好

試了多張後, post一張冇咁sexy的相啦!!

頭盤一 : 香煎法國鵝肝 (原價$228), 菜式份量適中, 賣相好靚!!

可惜外層煎得稍燶, 有點苦味; 鵝肝雖做到入口即融, 但味道不夠香馥濃郁~
同時底層墊的竟是蔬菜, 唔係好夾, 優惠價試ok, 俾原價就唔多抵了!

頭盤二 : 法式凍鵝肝 (原價$228) , 鵝肝凍幾厚身大件, 但又係唔夠香, 幸而面層的梨片夠哂甜美, 加分不少 ; 另一邊macaron口感微黏可口, 帶有輕柔鵝肝醬味, 都唔錯

主菜又是有兩款, 首先是意大利煙肉牛肝菌闊麵 (半客, 原價$98), 其實即是carbonara, 闊麵煮得稍稔, 牛肝菌又稀少唔太香, 我唔知醜地覺得自己煮得好食d!

另一主菜是香辣大蝦扁意粉 (半客, 原價$96), 扁麵口感較好, 帶點辣味頗為醒胃, 然而吃過Entourage的超水準一流作品, 覺得它頂多算中上之姿~

是晚甜品為菠蘿蛋糕+香芒雪葩, 聽落麻麻吸引, 食落反而最滿意!

好鍾意菠蘿蛋糕夠濕潤又甜美, 面層的菠蘿粒又添一份清新感 ; 香芒雪葩口味清新宜人, 加上crumble粒粒, 好味丫!

本來都考慮叫埋signature的Apple Crumble, 但見鄰桌點了一份慶祝生日, 份量精緻到暈, 算了... 不如早D返去, 同老公一齊玩下新玩具Kinect~ (其實係我睇佢跳!!)

唔講唔知, 老公跳緊Lady Gaga o既Poker Face舞步丫!!!

隻game有攝錄功能, 影底了老公超搞笑的一刻!!!

玩完一大輪, 食返杯雪糕先!
買了HD的新口味 : 流心Chocolate Fondant + 流心Creme Brulee, 正呀!!

先講流心Creme Brulee味, 其實早前都堂食過Creme Brulee口味, 同焦糖脆餅有D似但更多蛋香, 唔錯架, 依家加埋流心焦糖醬, 當然好食啦!!

其實更加期待流心Chocolate Fondant!! 不過冷凍的朱古力醬, 始終無得同熱食比... 同樣都係朱古力, 我會更鍾意belgian chocolate, 所以判Creme Brulee勝~~

其實只同老公 (依家仲有阿B!!) 一齊, 平平淡淡的日子都好開心~ I love holidays!

分享到 facebook

上一篇：美味灣仔碼頭背後，感人水餃皇后傳奇

下一篇： 3D 變形金剛3：黑月降臨 ( 3D Transformers Dark Of The Moon) ~ 萬眾期待

本BLOG人氣文章

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

期限推廣 ✽ 尖沙咀港威酒店 Be on Canton ✽ 味遊澳洲美食之旅

澳洲！澳洲！澳洲！甜魔媽媽最近一提起澳洲..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS