Dessert Devil & her Sweet Baby

由 Dessert Devil & her Sweet Baby 於 2011年07月01日發表人氣：790

電郵給朋友

6/30放假前夕, 準媽媽又好乖咁去聽講座啦!!
實在覺得健康創富同美贊臣好好, 成日舉辦依D講座, 就算遠D都要支持呀~~

再次抵達灣仔溫莎公爵的場地, 是晚老公有飯局應酬, 就由奶奶陪同一齊黎聽

同上次一樣, 講座又係分兩部份, 首先由周笑顏兒科醫生主講《初生嬰兒護理》; 基本上我又係全部PPT影哂 ; 但此PPT圖片為主, 重要內容以口講, 所以我唔post太多, 反而打返notes出黎, 等一眾準媽媽可以參考, 自己順便當溫習~~

** 初生BB的一大問題是對牛奶敏感 (即奶粉), 徵狀包括紅疹 (但都可能其他原因), 不安, 嚴重者大便出血 -> 搵醫生買低敏奶粉, 最好不要在坊間自己買

** 對牛奶敏感的BB中, 有60-70%對羊奶 / 豆奶一樣會敏感

** 但餵人奶的BB也可能敏感, 因可從媽媽飲食中吸收致敏原, 所以餵奶的媽媽 (其實懷孕都係!) 要戒 : 帶殼海鮮、高蛋白食物 (如蛋白, 燕窩), 過多鮮奶, 果仁類...

** 黃疸亦是初生BB常見問題, 因肝部未勝任新消化工作所致, 一般餵人奶的BB較易黃, 高峰期是出生後第3天, 需留院照燈, 一般之後自動好轉 (另特別例子不在此贅)

** 餵奶粉很早就可以定時3小時餵一次, 但人奶就不同, 媽媽上奶前一般要盡量餵盡量刺激, 到上奶後才慢慢調節至3小時一次

** 餵奶粉的B會準時大小二便, 但餵人奶的B差異可以很大, 次數、份量可多可少, 亦有很多不同奇形怪狀及顏色, 一般不用太擔心 (醫生多度assure初生BB好少大病)

** BB嘔吐 / 回奶亦令很多媽媽煩惱, 有可能BB為食不知飽, 一次吃得太多 (初生BB的胃只得一個指頭大小) ; 媽媽最緊要掌握掃風技巧, 真有問題可吃肚風藥

** 奶咀使用 : 初生BB很需口部安慰, 不吃奶咀也會啜吸手指 ; 如使用奶咀, 最好出生前返煲又返煲, 令硬膠軟化下來 ; 另奶咀不會影響牙齒發展

** BB視力 : 所有初生BB都是大近視 (能見度只25-30cm), 而且色弱, 所以6個下以下的BB別選粉色系, 最好選鮮色玩具 / 佈置 ; 另BB眼部肌肉未成熟, 很易逗雞 / 分眼

** O型腳 : 因媽媽子宮呈圓形, BB腿部呈O型+腳板外翻都很正常, 3歲後會改善

** 胎痣 : 一般有淺籃, 咖啡色 (會褪), 也有鮮色的Strawberry naevus, 要做laser去掉

** 臍帶 : 出院前姑娘會教沖洗方法, 一般2星期會脫落, 否則就要紮以致感染

** 其他 : BB還可能面對暗瘡, 胎毒, 頭泥, 鵝口瘡 (真菌感染), 尿布疹, 肚臍鼓起等問題, 需要時聯絡兒科醫生

呵呵, 係咪好齊全? 可見我真係有認真聽書架~~ 之後第二部分到資深營養師Janice Poon講解《媽媽產後調理手冊》, Janice的PPT做得好齊, 我全部post上黎啦!

在坐月期間, 我主要都係搵奶奶幫手, 所以佢黎聽依個講座真係好好呀~

分享內容出黎, 希望幫到同樣都係大緊肚的準媽媽 ; 其實大家有興趣的話, 不妨自己去報下依d講座, 費用全免, 每次聽完仲有紀念品 --- 美贊臣一號仔奶粉拎添!