六月(充當)歐遊記 ~ Haagen Dazs + Biergarten revisited
由 Dessert Devil & her Sweet Baby 於 2011年06月30日發表 人氣：280
六月過得好快呀!! 好似貶下眼就過左咁~~ 
之後又有一連3日假期, 好開心, 趁開心的假期前夕, 又post下開心的食評啦, 首先係重訪elements的Haagen Dazs~ 今次返兜HD有兩大任務, 首先係想試新出的Smoothie口味, 另外就係再食重出江湖, 素素都推介的心太軟!
睇戲前, 當晚揀了兩款甜品來試, 首先是Paris Brulee ($89), 由焦糖燉蛋, 加上兩球自選口味的雪糕而成~
經過試食, 發覺新出芒果熱情果smoothie清新又好食 (紅莓個款就麻麻), 就揀佢成其中一球雪糕, 另一球仍舊揀我至愛的belgian chocolate!
HD雪糕水準一向高質穩定, 而焦糖燉蛋又份量充足, 面脆內柔滑可口, 幾好食喎!
名為Love in Belgium的心太軟($97) 焗製需時, 但其實都好快上檯!
喂喂, 您好香呀~~
併盤上除了飽滿的心太軟, 組合又包括蓋滿薄杏片的朱古力truffle, 兩球自選雪糕 (揀了雲尼拿+新出creme brulee口味, 唔錯的), 以及新鮮士多啤梨~~
好心急切開心太軟, 效果都幾流心, 岩漿並相當濃郁 ; 不過我始終嫌它有點太甜, 未是我最鍾愛的濃黑口味啊! 而且拌碟的雪糕都唔太夠食~~
anyway舒舒服服的遊完巴黎, 再去埋比時利, 並食埋甜品, 仲想點呀?
之後同一星期, 去完母嬰健康院做檢查+上workshop後, 又去了另一間餐廳神遊~
Bingo, 我又趁有抵食weekday lunch返兜了Biergarten啦!
真係好鍾意佢的環境, 好舒服, 一D都唔似香港, 而且仲要平日好靜好少人!
又是一個人 (其實連埋阿B有兩個..) 的午餐, 點了一份lunch set, 送上一份Soup of the Day, 是日為Califlower Soup~
湯身忌廉味不重, 椰菜花口味輕柔但不會淡口, 幾清甜鮮美, 唔錯丫
這次主菜揀了 Hamburger($52), 不過成品並唔係漢堡包, 而是兩大件厚身漢堡扒, 配以Pan-Fried Potatoes上檯~
先向配菜進攻, 煎得香口微煎的薯仔片好好味, 拌上數粒車厘茄又帶來清新平衡, 正!
主角漢堡扒都好味道, 用餐刀一切即輕鬆分開, 肉質鬆化柔軟, 而且不覺有肥肉的存在! 點上微酸開胃的醬汁, 好快又清光了~~
連加一貼士埋單$60, 我又當自己去左一趟德國啦, 係咪好阿Q??
其實, 係因為最終都決定七月唔去歐洲, 落實去馬爾代夫hea下嘆下, 算了~~
算了...?!??! 嘩哈哈哈哈~~~
今次訂了sheraton的水上屋, 好期待ar!!
最希望係日日天晴.... 可以影到多張大肚靚相, 呵呵呵~~~
旅程會由7/12 ~ 7/20, 最後幾日會留KL食下買下野, 大家有咩推介我呀?
又, 真係越諗越心急, 好想快D展開依趟天堂之旅呀!!
上一篇： 初生嬰兒護理 及 媽媽產後調理須知 講座
本BLOG人氣文章
三月藝術月 ❧ 中環 Porterhouse by Laris ☙ $500 Savouring Art Menu
來到三月，除了是初春的開始，也是香港藝術..Chloe三歲半特約 ✰ Seasons by Oliver E ✰ 米芝蓮星級Brunch
來到今天，甜心Chloe三歲半了！時間，..天際萬豪酒店 ♡ 萬豪中菜廳 Man Ho ♡ 客家菜、樸素情
身處香港，大家對客家人、客家菜應該不會陌..OPCF 生態保衛賽2017 (3公里親子組)：Matthew and Chloe 處女跑
粉絲們有沒有很掛心 Matthew an..銅鑼灣 ❀ Dining at Murasaki ❀ 紫氣東來。抵食開年午餐
天氣冷真是太好的藉口給自己暴飲暴食了！ ..九龍灣 ♨ 江南庭敘 Congeodle ♨ 寒天下的溫暖火鍋夜
天寒地凍再加雨粉，這個週末真的冷死人不償..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
9分 鐘前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前