繼前文的旦王花, 另一間十分觸動我的旅遊神經的, 就是這間位於尖沙咀河內道的德國餐廳--Biergarten~

講起河內道, 一直只會想起舊日Applegreen的首間舖 (現已搬去金馬倫廣場啦~), 又或主打西班牙菜的La TASCA ; 都係同事介紹起, 先知這裡的食物也不錯

請了半天假照超聲波+做檢查, 事先來了這裡醫肚~
平日的中午, 酒吧內人不多, 氣氛超級慵懶舒服呢!

除了吧位, 餐廳也設有正式用餐位~~
場內放置了兩棵假樹, 幾有feel的, 加上幫襯的以外藉人士為主, 更加有異國情懷了!

反正食客不多, 我一個人 (其實有2個, hehe) 獨霸了一張大餐檯, 不徐不急的落了柯打後, 輕鬆的看看報紙, 慢慢等食物上檯~~

必須要講這裡的lunch超級抵食, 選擇又豐富, 例如 :

- $45的可揀farmers omelet, potato pancake, baked tomato topped with cheese, stir fried spinach ;
- $48的可揀lentil with german pasta, spaghetti carbonara, chicken breast, roasted whole chicken wings ;
- $52的可揀hamburger, roasted pork, smoked pork loin, breaded sole fillet, meat loaft topped, breaded pork escalope, beef stew..
- $55 / $62的選擇有frankfurter sausages, pork sausages, white sausages, veal sausage

以上價錢, 各包指定side dishes, 以及soup of the day, 而且份量絕不欺場!!

以是日的Carrot soup為例, 十分足料, 味道鮮甜可人, 是個很好的頭盤!

主菜我真係唔知點揀好, 隨便的選出了Breaded Pork Escalope ($52), 會serve with potato salad~ 好鍾意佢的薯仔沙律, 薯仔軟硬適中唔再講, 而且加上香草及酸瓜, 特別香口又開胃, 我幾乎全部食哂呢!

至於主角的豬扒, 一食而知是新鮮即炸起, 外層金黃香脆不得了, 熱辣辣但不過油, 好工夫 ; 裡層的無骨豬扒是理想的熟度, 粉嫩色澤下富有肉汁, 好食丫!

上次食旦王花就好嚮往去陽光與海灘住resort, 今次食德國菜就好憧憬到東歐細味當地風情... 其實兩邊都睇o岩左package, 到底去邊好呢??

對了, 這裡的午餐不包餐飲, 算啦, 佢已經好抵食了, 不過午餐只限週一至五供應, 下次checking前後都要開餐先! 之後, 又差不多時間趕去睇醫生了~~

滿了21週, 今次係去超3D超聲波, 可以粗略地見到B仔個樣啦~~

據醫生講, 21週係最適合檢查BB五官+四肢+內臟的健全程度 ; 不過睇樣就未係最佳時間, 因為佢仲好瘦, 要到26-28週先有較清晰的輪廓呀! 唔知阿B係咪偷聽到我地對話, 結果一黎就用雙手遮住自已個樣, 好搞笑呀你!

之後經過十多分鐘的等待同努力, 終於睇到一張清楚少少的樣~ B仔果然仲係好瘦, 下巴尖尖的, 但初步睇佢鼻仔都幾高, 應該係似老公, hehe

大家可能都覺得奇怪, 臉上浮住好多條野, 到底係咩事呢? 原來佢地全部都係連接媽媽同BB的臍帶啊!! 我都係當日先知原來臍帶已經生到咁長咁多了~~ (下圖color部份)

今次見醫生, 經超聲波得知BB五官正常 (無兔唇), 四肢健全 (逐隻手指仔, 腳指仔數過了), 肯定係阿仔 (好清楚見到何B仔了!!), 內臟全部正常 (心室大小比例合宜, 腦部無積水, 肺/胃等都正常...), 作為媽媽當然勁開心!!

事實上由5月尾開始, 每日都感受到BB越來越強烈又明顯的胎動, 感覺同小生命的連接越來越密切啦! 今次亦順便問了醫生意見, 佢都同意我七月去旅行呀, yeah!! 等一切落實後, 再同大家公佈+分享啦~~