Dessert Devil & her Sweet Baby

旦王花 Red Penny ~ 好想去旅行(上)

由 Dessert Devil & her Sweet Baby 於 2011年06月12日發表人氣：392

電郵給朋友

補記返上週三的食評~~
適逢結婚22週月, 半病中都想同老公浪漫一番, 就去了位於錦田的旦王花~

由於唔識路, 二人由西鐵錦上路搭的士前往, 約$26車費到達~~
餐廳門口種了一棵雞蛋花樹, 雖然開得唔係最靚, 但都帶來絲絲異國情懷

好懷念去年蘇梅的時光丫~~~

二人約6:30pm抵達, 當時天仲係光, 不過當日天氣一般, 能見度麻麻咋

被安排就坐水池旁的餐檯~ 感覺OK, 不過其實我預佢地方仲靚D...

開餐啦!!
首先點了軟殼蟹牛油果米紙卷 ($78), 好足料好實淨, 一客六件, 食完都有少少飽...

御皇咖哩牛腩 ($88), 睇相靚到不得了, 成品卻差好遠, 而且咖哩唔得香濃, 而是較水同較椰味重, 老公唔多鍾意~ 反而食唔得濃烈咖哩的我較o岩食

三味海鱸魚 ($138), 估唔到咁大條魚, 魚肉尚算鮮嫩, 味道酸甜幾開胃, 幾好

馬拉盞炒通菜 ($58), 老了少少, 味道OK

老公又點了杯白酒 ($48)~~ 聽講好甜, 好想試啖呢..

好豐富的一頓二人晚餐~~

食著食著, 天色開始轉藍轉黑, 環境開始有feel啦~~

隨手拎起檯面上的心型變色燈, 影了幾張連環圖~ 好鍾意!

最後食埋芒果糯米飯 ($38), 就滿足地埋單~~

臨走, 行了一下露台上的燒烤檔~ 大多都是我唔可以多吃的海鮮

完全入黑後的餐廳~~

雖然今餐唔算好出色, 但去到咁o既環境, 完全挑起哂我的旅行癮 --- 餓左差不多半年無出去行下的我, 真係超級想去放假去旅行呀!!

何況2月的澳門trip同去年10月桂林trip都唔係好hea or 渡假性質, 黎緊10月又坐監 (應該係坐月.. 不過都一樣啦!) , 好想趁最後的機會去放鬆身心~~ 揀邊度好呢?

分享到 facebook

上一篇： Biergarten ~ 好想去旅行(下) + 21週3D超聲波

下一篇：愛與痛的追尋 (Love and Other impossible pursuit) ~ 大吉利是!!

本BLOG人氣文章

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

期限推廣 ✽ 尖沙咀港威酒店 Be on Canton ✽ 味遊澳洲美食之旅

澳洲！澳洲！澳洲！甜魔媽媽最近一提起澳洲..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS