Easter Monday ~ 豚王 + Paisano's
由 Dessert Devil & her Sweet Baby 於 2011年04月30日發表 人氣：290
歡樂的時間過特別快, 不知不覺又來到easter的尾聲..
由於老公週六食完達磨後拉麵癮起, 最後一日假期就去了中環排豚王!
大概是假期關係, 當日約12:30去到真係超多人.....
睇食評知道average都要排45分鐘, 當日個勢更加唔止 ; 好多人除了到對面的pacific coffee company買咖啡 (都帶興唔少生意架!!), 又有人順便去拜下神...
好在我一早在家食了豐富早餐, 來到後決定乜都唔理, 霸下中段樓梯靚位坐底, 等老公自己慢慢排啦!
等了約40分鐘, 終於終點在望.... 同時有得坐下~~
當日發現, 竟有父母帶了小朋友一齊黎, 排足差不多一粒鐘, 好佩服!!
我自問應該做唔到, 所以趁依家狀態較穩定, 食左依d長龍店先~~
等了足足一粒鐘, 終於有位, 係店內冷氣位呢~ good!
幾位日藉師傅不斷大叫日語口號, 店內又有不少和風佈置~ 故此好有日本feel!
店內又有自由添加的辣芽菜與菜甫, 前者同赤王襯絕, 後者就同豚王好夾, 我覺得兩款都好好食呢!
四款拉麵中, 我揀了最基本的豚王 ($75), 除了香油要少, 其他全部剔了普通~ 要讚湯底自然鮮美, 軟滑麵身又好正, 除了豚肉未算肥美, 其他一律比達磨好食好多!
老公選了濃味示範的赤王 ($88), 首先湯底選濃味, 再加辣, 並配上稍硬麵身, 口味十分濃惹, 但仍吃得出湯身原有鮮甜, 在肉碎襯托下有少少擔擔麵feel, 又係好好味!!
食完後與老公一致認為豚王好過達磨好多, 但排咁耐先有得食, 下次未必了!
之後步去拍特惠站, 途中發現巨型pizza店Paisano's在中環都開了分店~~
進店一睇, 嘩, 真係好大個pizza呀!! 落雨擔佢出去都唔駛濕身了...
其中一款cheesy pizza係新鮮出爐, 超吸引, 忍唔住要了一件, 在樓下堂食~~
大家可以睇下單件裝的pizza, 與鹽樽的對比... 咁樣只賣$25, 好抵食! 味道方面, 有點似pizza hut的cheesy 6, 只係冇咁濃又冇咁油, 幾好呀! 所以最後都清哂!
臨走見到open kitchen製作更多pizza中.. 有機會都想encore呀!!
由於食得太飽, 麵/餅氣攻心, 之後就返去午睡了... 而夜晚, 就返奶奶家食下清淡住家飯, 順便得閒搵左老公細時舊相~ 呵呵, 唔知阿B會唔會似佢肥頭dup耳呢?
好傻樣的一張~~
較大個仔的老公~~
睇住老公的成長照, 不期然又聯想到BB慢慢長大.. 好奇妙呢!!
有假期真係好, 而更加好係easter後又有五一勞動節, 所以今星期又可享一個long weekend! 不過今週要趕工寫書, 未必咁多時間到處去, 就當係休息養胎啦!
上一篇： Pizza Hut ~ 送別四月 + 暫別五月媽媽
本BLOG人氣文章
Chloe三歲半特約 ✰ Seasons by Oliver E ✰ 米芝蓮星級Brunch
來到今天，甜心Chloe三歲半了！時間，..天際萬豪酒店 ♡ 萬豪中菜廳 Man Ho ♡ 客家菜、樸素情
身處香港，大家對客家人、客家菜應該不會陌..OPCF 生態保衛賽2017 (3公里親子組)：Matthew and Chloe 處女跑
粉絲們有沒有很掛心 Matthew an..銅鑼灣 ❀ Dining at Murasaki ❀ 紫氣東來。抵食開年午餐
天氣冷真是太好的藉口給自己暴飲暴食了！ ..九龍灣 ♨ 江南庭敘 Congeodle ♨ 寒天下的溫暖火鍋夜
天寒地凍再加雨粉，這個週末真的冷死人不償..期限推廣 ✽ 尖沙咀港威酒店 Be on Canton ✽ 味遊澳洲美食之旅
澳洲！澳洲！澳洲！甜魔媽媽最近一提起澳洲..
Dessert Devil & her Sweet Baby
離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~
最近的POST
-
4 小時前
-
1 天前
-
2 天前
-
3 天前
-
4 天前
-
5 天前
-
6 天前
-
1 週前