Dessert Devil & her Sweet Baby

清明遊山玩水 ~ 兼附大好消息!!

由 Dessert Devil & her Sweet Baby 於 2011年04月10日發表人氣：483

電郵給朋友

繼前文, 在Mia Pasta Trattoria食完一餐滿意又飽足的午餐, 同老公又到就近的荔枝角公園行下影下~ 雖然叫荔枝角公園, 但其實佢位於美孚站架!

又一排冇貼自己的相啦, 大家覺唔覺得我有D咩唔同呀?

無野唔同? 試下睇真D??

再zoom-in D啦~~

終於見到啦o卦~~ 無錯, 我同老公由年頭開始計劃有BB, 之後極速Bingo左, 依家已經滿左3個月, 進入第4個月的孕期啦!!

個肚已經都幾明顯下.. 當然有部分都要追究Mia Pasta Trattoria, haha!

其實後知後覺的我, 都係2月尾先發現.. 然後成個3月已經搬返HK做野, 唔駛再返深圳住 ; 而之前講的地中海貧血都係真的, 所以要特別小心調養!

調整身體除了食好 (要營養平衡, 多餐少吃, 所以依家一日食足5餐!!), 休息好 (我要比人訓多2小時.. 所以唔願出夜街喇~), 間中行下散下步都對身體好好!

是日唔算陽光明媚, 但風光都算優美宜人, 咁樣渡過假日都幾好呀!

不過o係咁優美的環境中, 有人大煞風景, 拎包榴槤糕出黎野餐.....

某人仲要邊彈個糕唔好食, 一邊將成包榴槤糕全部食哂.. 好臭囉唔該...

玩完影完一輪, 始終上就返左公司做野, 大肚婆累了, 下午就返去訓晏覺...
訓完起身, 嘩, 差不多夠鐘睇預訂的《limitless》@荃灣廣場, gogogo!!

好在由屋企搭西鐵去荃灣西只需10分鐘, 不過晚餐就要快餐搞掂了~~

原來KFC的龍鳳蒜燒雞一D唔好食...

新的焗薯批就OK.. 不過份量好少, 都唔夠喉!!

其實大肚婆最鍾意都係食飯, 早排鍾意蒸飯, 依家就like焗飯~
依家KFC都出了焗飯, 味道OK喎, 係油左少少, 另附一件炸雞又係俾老公~

依家食完D無益野, 心中總會有點內疚.. 所以我除了一早食水果打底, 最後又到荃新天地新開的Holly Cow, 食較健康的frozen yogurt~

幫襯前又係先試下味, 仲係原味同芒果兩款, 今日試覺得都幾甜下...

最後都幫襯了杯大的 ($32), toppings揀了奇異果同granola~ 成品比過去細杯了, 而且D froyo質感較融, 好似比尖東店差D.. 算啦, 荃灣的froyo店唔多, 冇得挑剔太多啦!

雖然froyo唔夠原杯yogurt好, 但都有後者一半的營養, 總比食雪糕健康! 而翌晚都係返奶奶度, 飲多D湯+食多D營養野, 真真正正補返俾阿B!

分享到 facebook

上一篇：海景軒 ~ 在一星店為兩星設宴

下一篇： Mia Pasta Trattoria ~ 美味美孚小店

本BLOG人氣文章

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

期限推廣 ✽ 尖沙咀港威酒店 Be on Canton ✽ 味遊澳洲美食之旅

澳洲！澳洲！澳洲！甜魔媽媽最近一提起澳洲..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS