Dessert Devil & her Sweet Baby

2011馬交遊 ~ 更多飲食 @ 瑪嘉烈 + 斌記 + 華倫西餐廳

由 Dessert Devil & her Sweet Baby 於 2011年03月06日發表人氣：300

電郵給朋友

接上文, 連食4間滿意食肆 (大利來記, 安東尼奧, MGM Patisserie, 8 The Eight) 後, 其實我已無欲無求, 就連接下來的瑪嘉烈蛋撻店, 都係想俾友人試下~~

新鮮出爐熱辣辣葡撻, 現已賣到MOP 8個~~

我當然趁熱食, 蛋芯幾滑又香甜, 但酥皮稍乾少少, 覺得本港西貢咖啡餅店仲好食~ 但友人推說飽, 攤到差不多大三巴先食... 哎呀, 咁咪更唔好食, 嘥哂我心機啦..

但蚊胃友人逛完大三巴, 竟然又主動提出想試下依間風味小麵店, 都好丫~~

小店叫斌記麵食 (暫時OR冇entry), 是間很頗風味的街邊店, 而且收費特廉~

MOP 15的牛腩麵~ 此麵罕有地由友人食掉90%, 因為熱湯暖胃喎~~
我也少試了一件牛腩, 味道都OK的!

至於day 2第一頓及在澳最後一頓, 都係在君怡酒店內的華倫西餐廳解決~
友人好鍾意佢, 因為店內環境十分怡人!

先記錄一下自助早餐的內容~~ 其實就如友儕的留言, 包的早餐, 都差不多咁啦~

我選了下面的食物~~

友人選了如下食物~~

而餐廳午市及晚市則供應semi-buffet, 麵包, 頭盤, 餐湯, 甜品, 餐飲都是自助形式, 另包一款自選主菜~~

餐湯區, 有中湯西湯各一, 估唔到是中湯比西湯好飲!!

麵包區, 有2款麵包選擇, 侍者會幫忙烘熱上檯~

頭盤/沙律自助區~ 水準平平啦~~

我的主菜---香煎牛肉眼扒, 配黑椒汁, 五成熟, 味道OK~~

友人的主菜---西洋式燒龍脷柳, 配意粉, 龍脷肉質都幾鮮嫩, 都OK

水果及甜點環節~ 三款水果中, 以菠蘿最為清甜美味, 食得最多~~

千層糕, 賣相有D嚇人, 但食落是估不到的煙韌有咬口, 幾好, 食左2件

雞蛋布甸, 有點焦糖味, 但做得不算太滑, 只食了2轉~

朱古力蛋糕, 味道正常, 食了2件~~

士多啤梨慕絲, 食落比睇落要好少少, 一件夠數 ; 椰汁糕, 好麻麻, 一啖就算~
雖然話係我陪友人食, 但她一D甜品都冇掂, 似是陪我來食更多??

Anyway在酒店食晚餐的最大好處, 是食完拎埋行李, 就可搭shuttle去碼頭~ 後來去到仲可以由8點半提早至8點船, 早半粒鐘回港! 就係咁, 是次旅行圓滿結束~

想重溫依2日行程, 可click去我facebook:

day 1 : http://www.facebook.com/album.php?aid=272355&id;=625718234
day 2 : http://www.facebook.com/album.php?aid=272554&id;=625718234

分享到 facebook

上一篇：元朗休養食記 ~ 喜洋洋點心專門店 + 岩手拉麵

下一篇： 2011馬交遊 ~ 第5-6餐@ MGM Patisserie + 8 The Eight

本BLOG人氣文章

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

期限推廣 ✽ 尖沙咀港威酒店 Be on Canton ✽ 味遊澳洲美食之旅

澳洲！澳洲！澳洲！甜魔媽媽最近一提起澳洲..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS