Dessert Devil & her Sweet Baby

Merry Christmas~!! 補記平安夜甜食記+報佳音

由 Dessert Devil & her Sweet Baby 於 2010年12月25日發表人氣：312

電郵給朋友

呵呵呵, 唔好嫌我長氣丫, 普天同慶的日子, 請容我講多次 : 聖誕快樂!!
然後又補記返昨晚的甜蜜又開心片段啦~~~

平安夜有得4:00pm早放, 5點未夠就返到元朗, 然後赴荃灣為uncle送上聖誕禮物
今年的荃新天地佈置得好靚呀, 估唔到o係荃灣都感受到美麗的節日氣氛!

又於樓下見到一個超得意的B... merry christmas, 祝出年更加肥美呀~~

俾完禮物時間尚早, 同老公興起去重溫了荃灣超人氣嘉樂冰廳

杯阿華田奶昔 ($20) 縮左好多呀.... 味道唔錯, 不過好鬼冰囉

豉油皇雞翼($25), 較特別係配泰式醬, 而其實我覺得郭太煮的蜜汁焗雞翼好食D

每次來都必點的小奄列($20), 今日聽店方講已經冇大奄列, why??
不過的確小的已經填飽兩個人有餘了...

其實早由唔知幾時開始, 嘉樂的蛋得大字, 無乜蛋香, 今次都係
另外加多一項罪----D火腿完全係凍的, 幾唔得囉...

好在今次唔駛排隊黎食, 否則都實在唔值~~

之後再去荃新天地影相+行街, 真係幾靚架, like like like!!

最後離開荃灣出發唱詩前, 爭取時間滿足甜胃, 首先去了新開的泰昌餅家

要了酥皮+餅皮蛋撻各一 ($4.5@), 其實一般啦! 元朗寶城好食又抵食D~

又買了老公推介的蜂蜜綠茶($5.5)... 依個幾OK~

區區一個蛋撻當然唔夠滿足啦.. 荃灣區的甜品選擇有限, 最後決定返兜如心廣場的Pacific coffee company, 貪佢小小一間cafe既清靜又幾有氣氛!

呵呵呵, 揀了4件都唔係好貪心咋~~~

Chocolate Panettone ($14), 質感同味道介乎於muffin及麵包及蛋糕三者之間, 面脆裡鬆軟, 質感好特別, 食落並不太漏, 可以一試架

X'mas buddy ($12), 是件小水泡餅, 面層的朱古力比預期好食, 下層實得來都ok

X'mas Berry Yogurt Cake ($28), 乳酪味的慕絲上層頗奇怪.... 不過餅底是厚厚一層脆底, 我鍾意呀!!

Chocolate Delight ($27), 較濃較實的brownie底, 配以雜莓及輕忌廉, 味道都OK!

食到好飽, 有氣有力去報佳音啦~~
大伙約了7:30pm, 第一站到Kay home @ 屯門龍門居, 氣氛好溫馨呀!

主人家超級客氣, 預準左勁多野俾我地食呀.... 食完飽上加飽添.....

之後第2站 @ 奶奶天水圍家, 又係既溫馨又熱鬧的時光!!

完哂所有節目, 見今晚同行的筱柔好想玩天瑞樓下攤位, 就請她玩一次啦!

筱柔睇中的game, $30/5分鐘實在幾貴.. 不過難得一次, 要merry christmas嘛!

開心的筱柔及同樣興奮的老公~~

除鞋去玩~~

嘩, 好刺激呀~~~ (sorry影得較衰好似鬼片, haha!!)

最後亦多謝老公送的超有用schedule.... 亦希望老公鍾意無聊的小小小禮物!

分享到 facebook

上一篇：快樂聖誕節 + 入伙一週年紀念

下一篇：平安夜．唱詩夜 (補記冬至家人聚餐)

本BLOG人氣文章

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

期限推廣 ✽ 尖沙咀港威酒店 Be on Canton ✽ 味遊澳洲美食之旅

澳洲！澳洲！澳洲！甜魔媽媽最近一提起澳洲..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS