Dessert Devil & her Sweet Baby

拍拖週年+結婚500日紀念 @Stanley Deli

由 Dessert Devil & her Sweet Baby 於 2010年12月19日發表人氣：564

電郵給朋友

老公十分細心, 留意到本年度的拍拖紀念日, 正好等於結婚500日
於是到了期待已久的Stanley Deli, 來個雙重慶祝~!!

位於紅磡鶴園街2G恆豐工業大廈二期地下的Stanley Deli, 一d都唔易搵....

遲了少少去到, 近8pm就只得1-2檯客? 不過後來都有半滿~
而於柔和燈光下, 店內播著浪漫情歌, 幾有情調的~~

可以自帶酒水是此店一大吸引位, 買了cheap兄的推介甜白酒, 好好飲!

第N個拍拖週年+結婚500日紀念快樂呀~!

店內富有情調, 但同時好暗好難影相.....

盡哂力影的麵包籃, 夠熱質素唔錯架, 後來添加多一round~~

之後試落flash影, 依個蟹肉牛油梨煙三文魚沙律超級好味, 食到嘩一聲!!

燒釀火雞卷沙律, 唔差, 但相比之下較失色

每位千島汁海蝦酥盒, 酥盒並不太酥脆, 但醬汁同海蝦極鮮又夾, 好食!

野菌忌廉湯, 口味香濃~~

法式洋蔥湯, 跟一塊芝士多士上檯
單飲湯時清甜美味, 拌埋多士又多幾分滋味, 都唔錯!

之後有青檸雪葩間一間場~~
我prefer早前Amina的清新番石榴味多d, 老公就鍾意依度

老公食牛食上癮, 揀了炭燒美國特級西冷扒配雞油菌汁

好大份牛, 要了medium rare, 燒得幾靚 ; 中間仍然十分粉嫩, 肉味香濃~
但當然唔及上週Amina的M5和牛咁柔嫩啦!

我揀了焗澳洲羊架配紅酒汁, 羊架十分肥美, 肉質又是極嫩, yummmmy~~
兩份主菜, 都跟有很特別的紫菜卷配菜!

然後就是圖一的, 點著蠟燭的心太軟上場啦~~~
我估店方都估唔到, 500 days anniversay代表慶祝我倆拍拖週年+結婚500日!!

(由於搖曳的燭光累事, 要吹熄了蠟燭, 影了多張先有下面的成功合照呀)

心太軟夠香濃, 好好食!!
後面的雪尼拿雪糕是movenpick出品, 加埋非常享受~~

又要了blueberry cheesecake, 估唔到係方型軟身, 然而味道都好好, like!

最後以cappuccino & latte作結, 就完成超飽的一餐!!

整體而言好滿意, 依間野有機會返兜架!!
不過地點實在幾偏, 想趕去中環會合susan & ming bday dinner下場都來唔及了~~

分享到 facebook

上一篇：聖誕前的佳音 ---- 奶奶出院啦!!!

下一篇：紅磡勁食記 ~ 聯記川王 + 糖蓮子 + 媽咪雞蛋仔

本BLOG人氣文章

Chloe三歲半特約 ✰ Seasons by Oliver E ✰ 米芝蓮星級Brunch

來到今天，甜心Chloe三歲半了！時間，..

天際萬豪酒店 ♡ 萬豪中菜廳 Man Ho ♡ 客家菜、樸素情

身處香港，大家對客家人、客家菜應該不會陌..

OPCF 生態保衛賽2017 (3公里親子組)：Matthew and Chloe 處女跑

粉絲們有沒有很掛心 Matthew an..

銅鑼灣 ❀ Dining at Murasaki ❀ 紫氣東來。抵食開年午餐

天氣冷真是太好的藉口給自己暴飲暴食了！ ..

九龍灣 ♨ 江南庭敘 Congeodle ♨ 寒天下的溫暖火鍋夜

天寒地凍再加雨粉，這個週末真的冷死人不償..

期限推廣 ✽ 尖沙咀港威酒店 Be on Canton ✽ 味遊澳洲美食之旅

澳洲！澳洲！澳洲！甜魔媽媽最近一提起澳洲..

離開舊時代Yahoo Blog，甜魔媽媽將與新加入甜魔家族的Chloe妹妹，以及可愛又為食的Matthew仔，在這裡與大家分享美食、育兒，以及旅遊資訊~~~

RSS