Dessert Devil & her Sweet Baby

由 Dessert Devil & her Sweet Baby 於 2011年05月04日發表人氣：310

電郵給朋友

結婚的頭一年, 初時每個月都會諗節目, 來慶祝週月紀念!!
然而過了一年後, 熱情開始慢慢冷卻, 依家有了BB更加唔得閒去慶祝!! 不過好多個月的一號都係假期, 好似今個五一, 就抽左少少時間, 一齊去甜蜜下~~

由於當日係星期日, 上午要先返教會, 老公一返到又係勁玩人地B女..

完了崇拜後, 同老公出去圓方睇3點場, 之前有d時間, 就即興帶佢參觀了Ritz Carlton~ 冇訂位的情況下, 亦唔打算排隊, 就在樓下Pastry Gems靜靜嘆cakes啦!

上次飲恨的兩款cakes都有供應, 是日仲有款新出white coffee chocolate! 正~

而其實pastry都係目標.. 眼闊肚窄好難揀呀...

是日座位~ 其實是為避開另半邊大堂, 排隊去食choc library / the lounge的人龍...

老公似乎對依度環境好滿意~ 仲四圍影相!

3款cake先上檯, 首先係造型別致的Green tea & raspberry ($38), 我忍唔住諗起 (得意的) 外星生物呢!

輕薄綠茶外層下, 是鬆軟輕柔的綠茶味蛋糕, 中間夾有酸甜清新的紅莓夾心, 果然好味道! 老公都超級欣賞呢~~

之後試Mango delight ($38), 金黃圓潤的外表可人極了~~
食落都果肉鮮香甜美, 質感輕柔濕潤, 如能減少甜度會更好!

最後試新出的White Coffee Chocolate ($38), 白咖啡的輕柔香醇, 配上濃郁朱古力底層, 又係好好味!

除了3款甜品, 另外又要了一件fruit cumble danish($20)~
好鍾意佢一件有齊crumble及danish雙重口感, 美味又吸引, o岩哂貪心的我!

而原來餅店之前一直係soft opening, 正式開張日係5/3, 之後或者加價 / 加設service charge (五一當日未仲要), 不過款式都會越出越多!! 期待丫~~

始終老公不是甜魔, 開戲前又到王家沙陪他吃了一碗酸辣湯拉麵, 之後睇完戲再到Haagen Dazs食多餐甜品下午茶, hehe~~

新出的Strawberry love temptation ($89), 中文名好娘但又好甜, 叫濃情愛意~ 是由五球雪糕, 鮮士多啤梨片, 香甜吉士醬, 及三片拿破侖酥餅組成, 最後周邊再加上士多啤梨吉士醬, 甜美又豐富~

老公想飲野, 所以揀了belgian waffle ice-cream set ($79)~~

精美但超細杯的Caramel coffee.. 請留意隻杯同匙子的對比!!
據老公講味道唔差, 但唔抵飲囉~~

waffle則熱暖香脆, 配上自選雪糕 (當然又係老公至愛rum raisun), 都唔錯~

之後又同老公折返元朗, 陪他在homey開dinner drama meeting~

依間野食物大部分都食過, 當晚都encore了唔少, 如fish & chips, triple mini burgers, grilled veggie sandwiches... 最後依款三文治好好味!

都係encore的蕃茄乾香蒜炒意粉, 依個好味! 真係好鍾意芝士同蕃茄呢~

新嘗試的烤春雞, 大份又好食, 都唔錯!

最後仲同大家分享當日收到的超可愛手信朱古力..
好鍾意個罐, 朱古力又爆炸糖, 口感特別, thanks so much ar~~

下年依個時候, 就會係真真正正的三人行了~ 阿B都會陪我食cake食雪糕嗎?